नांदेड : आज शनिवारी ( ता. 23 जुलै ) रात्री 11:00 वाजता डॉ. शंकररावजी चव्हाण विष्णुपुरी प्रकल्पाचा एक दरवाजा उघडण्यात येणार असल्यामुळे बळेगाव उच्च पातळी बंधाऱ्याच्या पाणी पातळीत वाढ होणार आहे, म्हणून बळेगाव बंधाऱ्याचे दोन दरवाजे शनिवारी ( ता. 23 जुलै ) रात्री 11:00 वाजता उघडून नदीपात्रात पाणी सोडण्यात येणार आहे.
तरी गोदावरी नदीकाठावर असणाऱ्या सर्व गावांतील नागरिकांनी व शेतकऱ्यांनी मालमत्तेची, जीविताची, पशुधनाची, वीटभट्टी साहित्य व इतर कोणतीही हानी होणार नाही, याची दक्षता घ्यावी असे आवाहन जिल्हा प्रशासनाने केले आहे.
बळेगाव उच्च पातळी बंधाऱ्याच्या पाणी पातळीत वाढ
▪️बंधाऱ्याचा एक दरवाजा आज उघडला
नांदेड (जिमाका) ता. 23: बळेगाव उच्च पातळी बंधाऱ्याच्या पाणी पातळीत वाढ झाल्याने आज बंधाऱ्याचा एक दरवाजा आज उघडला असून पाण्याचा विसर्ग नदीपात्रात सोडला आहे.
बळेगाव उच्च पातळी बंधाऱ्याच्या खालील बाजूस असणाऱ्या सर्व गावांतील नागरिकांच्या / शेतकऱ्यांच्या मालमत्तेची, जीविताची, पशुधनाची, वीटभट्टी साहित्य, इतर कोणतीही हानी होणार नाही, यासाठी काळजी घेण्याची आवाहन जिल्हा प्रशासनाने केले.
No comments:
Post a Comment