काळ्या फळ्यावर पांढ-या खडूने---
प्रा.नंदू वानखडे
'काळ्या फळ्यावर
पांढ-या खडूने लिहिलेला
सुविचार
आपला छान आहे .
'आपण सारे एकाच परमेश्वराची
लेकरे आहोत..
संविधान आमचा
प्राण आहे.."
मग
मी हिंदू ,तो ईसाई
ही कुणाच्या डोक्यातली
घाण आहे..?
तुमचंही रक्त लाल आहे..
आमचंही रक्त लाल आहे..
मग
दंगली पेटतात
डोकी फुटतात
ही कुणाची आगलावी
चाल आहे ?
धर्माची व्याख्या माहित नाही.
पण
धर्माचं मोठं वेड आहे .
आणि
दगडाच्या देवावरून
माणसा- माणसात
वाढतच जाणारं
तेढ आहे...!
धर्मशास्त्रे वाचली नाहीत
मात्र डोक्यात त्याचंच
खुळ आहे.
माणसा माणसांत
भेद करणारं
विषमतेचं मूळ आहे ...!
--प्रा नंदू वानखडे
मुंगळा ता.मालेगाव जि.वाशिम
9423650468
No comments:
Post a Comment