नांदेड : आंबेडकरी चळवळीतील ज्येष्ठ नेते तथा नांदेड मनपाचे दोन वेळा नगरसेवक राहिलेले शंकर अण्णा गाडगे यांचे शनिवारी ( ता. 30 ) सकाळी 8 वाजता हृदयविकाराच्या तीव्र धक्क्याने निधन झाले आहे. मृत्यूसमयी त्यांचे वय 65 वर्षे होते.
विजयनगर (यशवंत नगर)येथील रहिवाशी असलेले शंकर अण्णा गाडगे यांना शनिवारी सकाळी छातीत वेदना होऊ लागल्याने तात्काळ नांदेडच्या खाजगी रुग्णालयात उपचारासाठी दाखल करण्यात आले. उपचार सुरू असतानाच त्यांची प्राणज्योत मालवली. शनिवारी ( ता.30 ) मे 2020 सांयकाळी 5 वाजता गोवर्धनघाट येथील स्मशानभूमीत त्यांच्या पार्थिवावर अंत्यसंस्कार करण्यात आले.
त्यांच्या पश्वात 2 मुले, 2 मुली, 2 भाऊ, 2 बहिणी , सुना, जावई, नातू असा मोठा परिवार आहे. शंकर अण्णा गाडगे यांनी विध्यार्थी दशेपासूनच स्वतःला आंबेडकरी चळवळीत झोकून दिले होते. आंबेडकरी चळवळीतील ज्येष्ठ नेते सुरेशदादा गायकवाड याचे खास विश्वासु म्हणूनही ते परिचीत होते. त्यांच्या निधनाने सर्वत्र हळहळ व्यक्त होत आहे त्यांना भावपूर्ण आदरांजली.
No comments:
Post a Comment