किनवट तालुक्यात गुरुवारी (ता. 24) 11 कोरोना बाधितांना औषधोपचारानंतर सुटी, 10 बाधितांची भर व एकाचा मृत्यू

  

किनवट : किनवटमध्ये गुरुवारी ( ता.24) सायंकाळी 06.00 वाजता प्राप्त माहितीनुसार रॅपिड ऍटिजेन टेस्ट द्वारे 10 रुग्णांचा अहवाल पॉझिटिव्ह आला आहे.  त्यामुळे आता  बाधित रूग्णांची आजपर्यंतची एकूण संख्या 475  झाली आहे. आज बरे झाल्याने 11 कोरोना बाधितांना औषधोपचारानंतर सुटी दिली आहे. आजपर्यं 305 व्यक्तींना कोरोनामुक्त झाल्याने रुग्णालयातून घरी सुटी दिली आहे. आज एका रुग्णाचा मृत्यू झाला आहे. बाधितांपैकी येथील कोविड केअर सेंटरमध्ये 42 रुग्ण उपचार घेत आहेत 88 जण होम क्वारंटाईन आहेत.  

              आजच्या अहवालात एस.व्ही.एम. कॉलनी,किनवट येथील 47 वर्षाचा 1 पुरुष, बाबा रमजान कॉलनी येथील 78 वर्षाचा 1 पुरुष व 70 वर्षाची 1 स्त्री, गोकुंदा येथील 40 वर्षाचा 1 पुरुष, राजर्षी शाहूनगर, गोकुंदा येथील 50 वर्षाचा 1 पुरुष, दयाळधानोरा येथील 17 वर्षाची 1 मुलगी व 60 वर्षाची 1 स्त्री , बोधडी (बु) येथील 70 वर्षाचा 1 पुरुष व 44 वर्षाची 1 स्त्री आणि दुन्ड्रा येथील 24 वर्षाचा 1 पुरुष अशा 10 जणांचे अहवाल पॉझिटिव्ह आले आहेत. तर दयाळ धानोरा येथील 60 वर्षे वयाच्या महिलेचा उपचारादरम्यान मृत्यू झाला आहे.

              आज नवे रुग्ण आढळल्याने सहायक जिल्हाधिकारी कीर्तिकिरण एच. पुजार, भाप्रसे, यांनी राजर्षी शाहूनगर, गोकुंदा, बाबारमजान कॉलनी, निवट, दुन्ड्रा व दयाळधानोरा या गावाला कंटेन्मेंट झोन जाहिर केले आहे. या सर्व कंटेनमेंट झोनच्या विविध कामांची जबाबदारी तहसिलदार उत्तम कागणे यांच्या नेतृत्वात गट विकास अधिकारी सुभाष धनवे, गट शिक्षणाधिकारी अनिलकुमार महामुने, उप विभागीय पोलिस अधिकारी मंदार नाईक, पोलिस निरिक्षक मारोती थोरात, सहायक पोलिस निरीक्षक मल्हार शिवरकर, संतोष केंद्रे, सुशांत किणगे, मुख्याधिकारी निलेश सुंकेवार यांचेवर सोपविलेली आहे. हे अधिकारी नेटाने ती पार पाडत आहेत.

               डेडिकेटेड कोविड हेल्थ केअर सेंटर, उप जिल्हा रुग्णालय, गोकुंदा येथे 17, कोविड केअर सेंटर, किनवट येथे 25 व होम क्वारंटाईन 88 अशा एकूण 130 रुग्णांवर औषधोपचार सुरू असून त्यांची प्रकृती स्थिर आहे. जनतेंनी घाबरू नये, शासनाच्या व आरोग्य विभागाच्या सूचना पाळाव्या, असे आवाहन वैद्यकीय अधिक्षक डॉ. उत्तम धुमाळे व तालुका आरोग्य अधिकारी डॉ. संजय मुरमुरे यांनी केले आहे.

किनवट तालुक्याची कोरोना विषयी संक्षिप्त माहिती पुढील प्रमाणे

ता. 24/09/2020 सायंकाळी 06.00 वाजता

आरटीपीसीआर टेस्ट

आजपर्यंत घेतलेले एकूण स्वॅब- 629,

आजपर्यंतचे निगेटिव्ह स्वॅब- 530,

आज घेतलेले स्वॅब - 0

आज आरटीपीसीआर स्वॅब पॉझिटिव्ह  संख्या- 0,

स्वॅब तपासणी अनिर्णीत संख्या - 0,

स्वॅब नाकारण्यात आलेली संख्या- 7, 

ऍन्टिजेन टेस्ट

ऍन्टिजन टेस्ट -45,

आज रोजी एँटिजेन पॉझिटीव्ह संख्या-10,

निगेटिव्ह अहवाल -35,

आज रोजी एकुण पॉझिटीव्ह रुग्ण-10,

आज मृत्यू -1,

आतापर्यंतची एकूण मृत्यू संख्या-15,

आतापर्यंतचे एकुण बाधित व्यक्ती - 475, 

आज सुटी दिलेले-11,

रुग्णालयातून सुटी दिलेली एकूण संख्या-305,

रुग्णालयात उपचार घेत असलेले बाधित व्यक्ती-42 (130 होम क्वारंटाईन  )