मुंबई (विशेष प्रतिनिधी उदय नरे) : विधानसभा निवडणूक २०२४ मध्ये महायुतीने २०० चा आकडा पार करत घवघवीत यश मिळवलं आहे. या विधानसभा सार्वत्रिक निवडणुकीत विधानपरिषदेचे विद्यमान ६ सदस्य विजयी झाले आहेत. अशावेळी माहितीनुसार, दोन सदनांचे सदस्य असण्यास प्रतिबंध करण्याबाबतचा अधिनियम, १९५७ च्या अनुच्छेद ३ नुसार या नवनिर्वाचित ६ विधानसभा सदस्यांना विधानपरिषदेचा राजीनामा देण्याची आवश्यकता नाही. कारण विधानसभा सदस्य म्हणून त्यांचे नाव राजपत्रात प्रसिध्द होताच आपोआप त्यांचे अगोदरचे विधानपरिषदेचे सदस्यत्व रद्द होते.
या यादीत शिवसेनेचे आमश्या पाडवी, भाजपचे प्रवीण दटके, चंद्रशेखर बावनकुळे, राष्ट्रवादी काँग्रेस पक्षाचे राजेश विटेकर, भाजपचे रमेश कराड आणि गोपीचंद पडळकर याची नावं आहेत. ते विधानपरिषदेत विद्यमान आमदार आहेत. पण नुकत्याच झालेल्या विधानसभा निवडणुकीत ते बहुमताने निवडणून आले. अशा या खास प्रसंगी विधानपरिषदेच्या उपसभापती डॉ. नीलम गोऱ्हे यांनी विधानपरिषद सदस्य असलेल्या आणि आता विधानसभेवर निवडून गेलेल्या या ६ सदस्यांचे अभिनंदन केले. त्याचबरोबर त्यांना पुढील वाटचालीसाठी शुभेच्छा दिल्या आहेत.
.jpg)
No comments:
Post a Comment