'स्वस्थ नारी सशक्त परिवार अभियान' अंतर्गत नांदेड जिल्ह्यात आरोग्य शिबिरांचा विक्रमी प्रतिसाद

नांदेड - जिल्हाधिकारी राहुल कर्डिले व मुख्य कार्यकारी अधिकारी मेघना कावली यांच्या मार्गदर्शनाखाली तसेच जिल्हा आरोग्य अधिकारी डॉ. संगीता देशमुख  व जिल्हा शल्यचिकित्सक डॉ. संजय पेरके यांच्या नियोजनाने जिल्हा आणि महानगरपालिका क्षेत्रातील नागरिकांसाठी दि. १७ सप्टेंबर २०२५ ते ०२ ऑक्टोबर २०२५ या कालावधीत 'स्वस्थ नारी सशक्त परिवार अभियान' (SNSPA Camps) यशस्वीरित्या राबविण्यात आले. या अभियानांतर्गत विक्रमी तपासणी करण्यात आली असून नागरिकांचा आरोग्य तपासणीला उत्स्फूर्त प्रतिसाद मिळाला आहे.

या कालावधीतील आरोग्य शिबिरांची आकडेवारी खालीलप्रमाणे  (१७ सप्टेंबर ते ०२ ऑक्टोबर २०२५) 

 * एकूण आयोजित शिबिरे (तपासणी शिबिरे + विशेष शिबिरे) | ७७८१ |

* एकूण उपस्थिती (Footfall) | ५,०७,१०३ (पुरुष: १,६३,५६८, महिला: ३,४३,५५२) |

* एकूण विशेष शिबिरे | ५४४ |

* उच्च रक्तदाब (Hypertension) तपासणी केलेले नागरिक | १,१३,२८१ |

* मधुमेह (Diabetes) तपासणी केलेले नागरिक | १,०१,३२६ |

* कर्करोग (Cancers-Oral, Breast and Cervical) तपासणी केलेले नागरिक | ८१,६०२ |

* ॲनिमिया (Anaemia) तपासणी केलेले नागरिक | ५३,९४९ |

* टीबी (TB) साठी तपासणी केलेले नागरिक | ७७,४२२ |

* Sickle Cell Disease साठी तपासणी केलेले नागरिक | १६,१३५ |

*गरोदर मातांची (ANC) तपासणी | ११,४५४ |

*विविध कार्यक्रमांसाठी समुपदेशन (Counselling) केलेले नागरिक | ३,८६,३४७ |

* पंतप्रधान जन आरोग्य योजना (PM-JAY)/आयुष्मान कार्ड्स वितरित | १४,२०५ |

ठळक नोंदी:

 * या अभियानात उच्च रक्तदाबासाठी एकूण १,१३,२८१ आणि मधुमेहासाठी एकूण १,०१,३२६ नागरिकांची तपासणी करण्यात आली.

  महिलांच्या आरोग्यावर विशेष लक्ष केंद्रित करत, कर्करोगाच्या (तोंड, स्तन आणि गर्भाशय) तपासणीसाठी एकूण ८१,६०२ नागरिकांचे स्क्रीनिंग करण्यात आले.

 * गरोदर मातांसाठी ११,४५४ एएनसी (ANC) तपासण्या करण्यात आल्या.

  आरोग्यविषयक विविध कार्यक्रमांसाठी सुमारे ३ लाख ८६ हजारांहून अधिक नागरिकांचे समुपदेशन करण्यात आले आहे.

  याशिवाय, क्षयरोग (TB) आणि सिकलसेल (Sickle Cell Disease) यांसारख्या गंभीर आजारांसाठीही मोठ्या प्रमाणावर नागरिकांची तपासणी करण्यात आली.

'स्वस्थ नारी सशक्त परिवार अभियान' यशस्वी करण्यासाठी जिल्हा प्रशासन, आरोग्य विभाग, आणि महानगरपालिकेच्या सर्व कर्मचाऱ्यांनी केलेल्या प्रयत्नांचे विभागाकडून कौतुक केले जात असून, नागरिकांनी यापुढेही आरोग्य तपासणी शिबिरांमध्ये सक्रिय सहभाग नोंदवावा, असे आवाहन  जिल्हा आरोग्य अधिकारी डॉ.संगीता देशमुख व जिल्हा शल्य चिकित्सक डॉ. संजय पेरके यांनी केले आहे केले आहे.