वझरा (शे.फ.) येथे नवस फेडण्यासाठी आलेले पंचविस जण अपघातात गंभीर जखमी
वझरा ( शेख फरीद ) ता. माहूर :
माहूर तालुक्यातील वझरा ( शेख फरीद ) येथील शेख फरिदबाबा दर्गाह येथे नवस फेडण्याकरिता जाणाऱ्या वाहनाला दत्तमांजरी घाटात गुरुवारी ( ता. ९ ) सकाळी साडेनऊ वाजता अपघात झाला. यात गंभीर जखमी झालेल्या पंचेवीस जणांना माहूर येथील ग्रामीण रुग्णालयात दाखल केले आहेत.
याबाबत सविस्तर वृत्त असे की यवतमाळ जिल्ह्यातील ईचोरा ता. आर्णी जि. येथील भाविक माहूर जवळील शेख फरिदबाबा दर्गाह येथे नवस फेडण्याकरिता बोलेरो टॅम्पो वाहनाने जात होते. दत्तमांजरी घाटात चालकाचे वाहनावरिल नियंत्रण सुटल्याने रस्त्याच्या कडेला खोल दरित बोलेरो उलटली. या अपघातात महिला, पुरुष, युवक, ज्येष्ठ नागरिक, बालकासह सुमारे पंचविस जन गंभीर जखमी झाले.
गंभीर जखमींना श्री रेणूकादेवी संस्थानची रूग्णवाहीका तसेच खाजगी वाहनातून १२ किलोमीटर अंतरावर असलेल्या माहूर येथील ग्रामीण रुग्णालयात दाखल करण्यात आले. गंभीर जखमीवर प्राथमिक उपचार करून दहा अत्यंत गंभीर जखमी भाविकांना पुढील उपचारा करिता यवतमाळ येथे हलविण्यात आले आहे.घटनेची माहीती मिळताच पोलीस निरिक्षक लक्ष्मण राख, पोलीस उपनिरिक्षक श बोडखे, पोलीस कर्मचारी शारदासुत खामनकर यांनी भेट देऊन जखमींची चौकशी केली.
अंधश्रध्देपोटी अनेक भावीक याठिकाणी येऊन नवस फेडण्यासाठी बकऱ्याचा बळी देतात. अत्यंत अवघड वळणाच्या घाट रस्त्यावरून वझरा ( शे. फ. ) येथे ये -जा कराव लागते. येथे येणाऱ्या भाविकांच्या अनेक वाहनांना अपघात झालेला आहे.
No comments:
Post a Comment