किनवट :
"सेक्युलर मुव्हमेंट" या फुले - आंबेडकरी विचार धारेवर आधारलेल्या सामाजिक संघटनेच्या व समविचारी संघटनांच्या वतीने मुंबईच्या आझाद मैदानावर दि.४ जानेवारी रोजी सकाळी ११ ते ४ या वेळेत नागरिकत्व सुधारणा कायदा व राष्ट्रीय नागरिकत्व नोंदणी रजिस्टर या विरोधात निदर्शने-धरणे आंदोलन करण्यात येणार असल्याचे सेक्युलर मुव्हमेंट चे राज्य अध्यक्ष प्रा. गौतमीपुत्र कांबळे, कार्याध्यक्ष भरत शेळके, उपाध्यक्ष डाॅ.अशोक गायकवाड, सरचिटणीस प्रा.डाॅ.भरत नाईक यांनी प्रसिद्धीस दिलेल्या पत्रकाद्वारे कळविले आहे.
धरणे व निदर्शने आंदोलनास राष्ट्र सेवा दलाचे अध्यक्ष तथा जागतिक भाषा तज्ज्ञ डाॅ.गणेश देवी, मराठी चित्रपट अभिनेते अशोक लोखंडे, अनमोल धर्माधिकारी (दिग्दर्शक) यांच्यासह अनेक मान्यवरांची उपस्थिती राहणार आहे. ४ जानेवारी रोजी होणाऱ्या या आंदोलनात नांदेड जिल्ह्यातील
कार्यकर्त्यांनी सहभागी व्हावे, असे आवाहन सेक्युलर मुव्हमेंटचे जिल्हा संघटक अॅड. मिलिंद सर्पे, राज्य सहसचिव प्रा. डाॅ. अंबादास कांबळे यांनी केले आहे.
No comments:
Post a Comment