नांदेड :
कोरोना विषाणूचा प्रादुर्भाव रोखण्यासाठी सर्व बँकातुन होणारे पीक विमा , कर्ज वाटप व शासनाकडून देण्यात येणारे सर्व अनुदानाचे वाटप दि . ३१ . ०३ . २०२० पर्यंत बंद करण्याचे आदेश जिल्हादंडाधिकारी डॉ . विपीन इटनकर (भा.प्र.से. ) यांनी सोमवारी ( दि. २३ ) दिले आहेत.
नांदेड जिल्ह्यात कोरोना विषाणूचा प्रादुर्भाव रोखण्यासाठी प्रतिबंधात्मक उपायोजनेचा एक भाग म्हणून नागरीकांची एका ठिकाणी होणारी गर्दी टाळण्यासाठी जिल्हयातील सर्व बँकातुन होणारे पीक विमा , कर्ज वाटप व शासनाकडून देण्यात येणारे सर्व अनुदानाचे वाटप दि . ३१ . ०३ . २०२० पर्यंत बंद करण्याचे आदेश जिल्हा आपत्ती व्यवस्थापन प्राधिकरण , नांदेडचे अध्यक्ष तथा जिल्हादंडाधिकारी डॉ. विपीन इटनकर (भा.प्र.से. ) यांनी दिले आहेत.
परंतु बँकाचे इतर व्यवहार या पूर्वी दिलेल्या निर्देशांची काटेकोरपणे अंमलबजावणी करुन नियमितपणे चालु राहतील . सदर आदेशाचे पालन न करणारी कोणतीही व्यक्ती , संस्था अथवा समुह हे आपत्ती व्यवस्थापन अधिनियम २००५ आणि भारतीय दंड संहिता १८८ नुसार शिक्षेस पात्र असलेला अपराध केला असे मानण्यात येईल व कारवाई करण्यात येईल. असेही आदेशात नमूद केले आहे.
No comments:
Post a Comment