किनवट :
लॉकडाऊन व संचारबंदीच्या पार्श्वभूमीवर शेतकरी अनुदान मध्यवर्ती बँक गावनिहाय वाटप करीत असल्याने सोशल डिस्टेंसींगचे तिन तेरा वाजवण्यापेक्षा ते शेतकऱ्यांच्या थेट खात्यावर जमा करण्याच्या सूचना आमदार भीमराव केराम यांनी किनवट व माहूरच्या तहसीलदारांना दिल्या आहेत.
किनवट व माहूर तालुक्यातील अतिवृष्टी व महामहीम राज्यपाल घोषित अनुदानाची रक्कम जिल्हा मध्यवर्ती बँकेकडे जमा झाली असून सदरची रक्कम शेतक-यांच्या थेट खात्यावर जमा करणे क्रम:प्राप्त आहे. परंतु किनवट व माहूर येथील जिल्हा मध्यवर्ती बँकांच्या शाखेतून सदरची अनुदानाची रक्कम गावनिहाय वाटप सुरू आहे. यामुळे गर्दी जमत आहे. लॉकडाऊन व संचारबंदीची परिस्थिती पाहता 'कोरोना' विषाणूची श्रृखंला तोडणे अत्यावश्यक बाब बनल्याने सामाजिक अंतर राखणेही तितकेच गरजेचे आहे. त्यामुळे असे न करता सदरची अनुदानाची रक्कम शेतकऱ्यांच्या बँक खात्यावर थेट जमा करण्याच्या सूचना आमदार भीमरावजी केराम यांनी किनवट व माहूरच्या तहसीलदारांना दिल्या आहेत.
No comments:
Post a Comment