किनवट : किनवटमध्ये आज शनिवारी ( ता. एक ) रोजी रॅपिड ऍटिजेन टेस्ट द्वारे एक अहवाल पॉझिटिव्ह आल्याने बाधित रूग्णांची एकूण संख्या वाढून आता 23 झाली आहे. कोरोनामुक्त बरे होऊन घरी सुटी दिलेले एकूण 7 जण आहेत. बाधितांपैकी संदर्भित 2 व येथील कोविड केअर सेंटरमध्ये 14 असे एकूण 16 रुग्ण उपचार घेत आहेत.
आज एस.व्ही.एम. कॉलनी, किनवट येथील 48 वर्षे वयाचा एक नवीन रूग्ण रॅपिड एँटिजेन टेस्ट द्वारे केलल्या तपासणीत पॉझिटिव्ह आढळला आहे. तसेच राजगड तांडा येथील 15 वर्षाची एक मुलगी आजारी असल्याने यवतमाळ येथे एका रुग्णालयात (संदर्भित सेवा ) उपचार घेण्यासाठी प्रविष्ठ झाली होती. तेथील डॉक्टरांनी तिचा स्वॅब नागपूर येथे तपासणीसाठी एका खासगी प्रयोगशाळेत शुक्रवारी (ता. 31 जुलै) सकाळी साडेदहा वाजता पाठविला होता. त्याच दिवशी सायंकाळी साडेसात वाजता आरटीपीसीआर पद्धतीने तिचा अहवाल कोविड - 19 पॉझिटिव्ह आला. त्यामुळे उपविभागीय अधिकारी महेश वडदकर यांनी तिचे गाव राजगड तांडा आता कंटेनमेंट झोन म्हणून जाहीर केले आहे.
किनवट शहरातील व्ही.आय.पी.रोड, एस.व्ही.एम. कॉलनी, मोमीनपूरा, इस्लामपूरा, राजेंद्रनगर व तालुक्यातील तल्लारी , राजगड तांडा या कंटेनमेंट झोनच्या विविध कामांची जबाबदारी तहसिलदार उत्तम कागणे, गटविकास अधिकारी सुभाष धनवे, गट शिक्षणाधिकारी सुभाष पवने, उप विभागीय पोलिस अधिकारी मंदार नाईक, पोलिस निरिक्षक मारोती थोरात, सहायक पोलिस निरीक्षक सुशांत किनगे , मुख्याधिकारी निलेश सुंकेवार यांचेवर सोपविली आहे.
डेडिकेटेड कोविड हेल्थ केअर सेंटर, उपजिल्हा रुग्णालय,गोकुंदा येथे 11 ( आरटीपीसीआर 5 + रॅपिड 6 ), कोविड केअर सेंटर, किनवट येथे 3 ( रॅपिड ) व संदर्भित 2 अशा एकूण 16 रुग्णांवर औषधोपचार सुरू असून त्यांची प्रकृती स्थिर आहे. असे वैद्यकीय अधिक्षक डॉ. उत्तम धुमाळे व तालुका आरोग्य अधिकारी डॉ. संजय मुरमुरे यांनी कळविले आहे.
किनवट तालुक्याची कोरोना विषयी संक्षिप्त माहिती पुढील प्रमाणे
दि. 01/08/2020 दुपारी 04.00 वाजता
घेतलेले एकूण स्वॅब- 187,
निगेटिव्ह स्वॅब- 155,
आज पॉझिटिव्ह स्वॅब संख्या- 1
आतापर्यंतचे एकुण पॉझिटिव्ह व्यक्ती- 23,
स्वॅब तपासणी अनिर्णीत संख्या- 17
स्वॅब नाकारण्यात आलेली संख्या-1,
मृत्यू संख्या- निरंक,
रुग्णालयातून सुट्टी दिलेली एकूण संख्या- 7,
रुग्णालयात उपचार घेत असलेले बाधित व्यक्ती-16,
No comments:
Post a Comment