277 कोरोना बाधितांना औषधोपचारानंतर सुट्टी ; 283 बाधितांची भर तर पाच जणांचा मृत्यू

 

 

नांदेड (जिमाका) दि. 18 :- शुक्रवार 18 सप्टेंबर 2020 रोजी सायं. 5.30 वाजेपर्यंतच्या कोरोना अहवालानुसार जिल्ह्यात 277 कोरोना बाधित व्यक्तींमध्ये सुधारणा झाल्यामुळे त्यांना रुग्णालयातून सुट्टी देण्यात आली आहे. याचबरोबर 283 व्यक्तींचे अहवाल बाधित आले आहेत. यात आरटीपीसीआर तपासणीद्वारे 106 तर ॲटिजेन किट्स तपासणीद्वारे 177 बाधित आले.

 

आजच्या एकुण 1 हजार 156 अहवालापैकी 822 अहवाल निगेटिव्ह आले. जिल्ह्यात एकुण बाधितांची संख्या आता 12 हजार 984 एवढी झाली असून यातील 8 हजार 757 बाधिताना औषधोपचारानंतर सुट्टी देण्यात आली आहे. एकुण 3 हजार 817 बाधितांवर रुग्णालयात औषधोपचार सुरु असून त्यातील 34 बाधितांची प्रकृती अतीगंभीर स्वरुपाची आहे. 

 

या अहवालात एकुण 5 रुग्णांचा उपचारा दरम्यान मृत्यू झाला. सोमवार 7 सप्टेंबर रोजी पवार गल्ली लोहा येथील 53 वर्षाचा एका पुरुषाचा खाजगी रुग्णालात, बुधवार 9 सप्टेंबर रोजी कंधार येथील 63 वर्षाचा एका पुरुषाचा खाजगी रुग्णालयात, मंगळवार 15 सप्टेंबर रोजी भोकर येथील 64 वर्षाचा एका पुरुषाचा जिल्हा रुग्णालय कोविड हॉस्पिटल नांदेड येथे , गुरुवार 17 सप्टेंबर रोजी गांधी नगर बिलोली येथील 70 वर्षाचा एका पुरुषाचा तर इस्लापुर किनवट येथील 38 वर्षाचा एका पुरुषाचा शासकीय वैद्यकीय महाविद्यालय विष्णुपुरी येथे उपचारा दरम्यान मृत्यू झाला आहे. जिल्ह्यात आतापर्यंत बाधित मृत्त रुग्णांची संख्या 343 झाली आहे.  

 

आज बरे झालेल्या बाधितांमध्ये खाजगी रुग्णालय 24, अर्धापूर कोविड केंअर सेंटर 19, लोहा कोविड केंअर सेंटर 10, माहूर कोविड केंअर सेंटर 5, नायगाव कोविड केंअर सेंटर 1, शासकीय वैद्यकीय महाविद्यालय विष्णुपुरी नांदेड 17, देगलूर जैनब कोविड केंअर सेंटर 2, बिलोली कोविड केंअर सेंटर 7 , एनआरआय / पंजाब भवन / महसूल भवन / होमआयसोलेशन 167, मुखेड कोविड केंअर सेंटर 25 असे 277 बाधित व्यक्तींना औषधोपचारानंतर सुट्टी देण्यात आली आहे.

 

आजच्या बाधितांमध्ये आरटीपीसीआर तपासणीद्वारे नांदेड मनपाक्षेत्र 74, लोहा तालुक्यात 5, हदगाव तालुक्यात 1, कंधार तालुक्यात 1, बिलोली तालुक्यात 2, हिंगोली 6, नांदेड ग्रामीण 7, भोकर तालुक्यात 2, नायगाव तालुक्यात 4, हिमायतनगर तालुक्यात 2, किनवट तालुक्यात 1, देगलूर तालुक्यात 1, असे एकुण 106 बाधित आढळले. 

 

तर अँटिजेन तपासणीद्वारे नांदेड मनपा क्षेत्र 85, हदगाव तालुक्यात 9, अर्धापूर तालुक्यात 9, किनवट तालुक्यात 11, बिलोली तालुक्यात 13, मुखेड तालुक्यात 15, धर्माबाद तालुक्यात 9, हिंगोली 1, नांदेड ग्रामीण 5, मुदखेड तालुक्यात 4, लोहा तालुक्यात 8, कंधार तालुक्यात 3, भोकर तालुक्यात 1, नायगाव तालुक्यात 3, यवतमाळ 1 एकुण 177 बाधित आढळले

 

जिल्ह्यात 3 हजार 817 बाधितांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी नांदेड येथे 281, एनआरआय, पंजाब भवन, महसूल भवन, होम आयशोलेशन एकत्रित 1 हजार 762 जिल्हा रुग्णालय कोविड हॉस्पिटल नांदेड येथे 84, जिल्हा रुग्णालय कोविड हॉस्पिटल (नवीन इमारत) 40, नायगाव कोविड केअर सेंटर येथे 134, बिलोली कोविड केअर सेंटर येथे 77, मुखेड कोविड केअर सेंटर येथे 176, देगलूर जैनब कोविड केअर सेंटर येथे 69, लोहा कोविड केअर सेंटर येथे 78, हदगाव कोविड केअर सेंटर 53, भोकर कोविड केअर सेंटर 42, कंधार कोविड केअर सेंटर येथे 46, बारड कोविड केअर सेंटर 23, आयुर्वेदिक शासकिय रुग्णालय कोविड रुग्णालय सेंटर येथे 46, अर्धापूर कोविड केअर सेंटर येथे 39, मुदखेड कोविड केअर सेटर 79, माहूर कोविड केअर सेंटर येथे 22, किनवट कोविड केअर सेंटर येथे 205, धर्माबाद कोविड केअर सेंटर येथे 53, उमरी कोविड केअर सेंटर 76, हिमायतनगर कोविड केअर सेंटर 18, खाजगी रुग्णालयात 329 बाधित, जिल्हा मध्यवर्ती कारागृह नांदेड 82, औरंगाबाद 1 व निजामाबाद 1, हैद्राबाद येथे 1 संदर्भित झाले आहेत.  

 

जिल्ह्याची कोरोना संशयित व कोविड बाधितांची संक्षिप्त माहिती

एकुण घेतलेले स्वॅब- 69 हजार 898,

निगेटिव्ह स्वॅब- 53 हजार 589,

आज पॉझिटिव्ह स्वॅब संख्या- 283,

एकुण पॉझिटिव्ह बाधित व्यक्ती- 12 हजार 984,

आज स्वॅब तपासणी अनिर्णीत संख्या-32

आज स्वॅब नाकारण्यात आलेली संख्या- 10,

एकूण मृत्यू संख्या- 343,

एकूण रुग्णालयातून सुट्टी दिलेली संख्या- 8 हजार 757,

आज रुग्णालयात उपचार घेत असलेले बाधित व्यक्ती- 3 हजार 817,

आज प्रलंबित स्वॅब तपासणी संख्या- 1 हजार 320, 

आज रोजी अती गंभीर प्रकृती असलेले बाधित- 34,

उपचारानंतर बाधित रुग्ण घरी बरे होण्याचे प्रमाण 70 टक्के 

 

कोरोना संदर्भात जनतेने अफवांवर विश्वास ठेवू नये तसेच मनात कुठल्याही प्रकारची भिती न बाळगता अत्यावश्यक कामाशिवाय घराबाहेर पडू नये. आपल्या मोबाईलवर आरोग्य सेतू ॲप डाऊनलोड करुन घ्यावा जेणे करुन आपल्या सभोवती कोरोना बाधित रुग्ण असल्यास आपणास हे ॲप सतर्क करेल, असे आवाहन जिल्हा शल्यचिकित्सक डॉ. निळकंठ भोसीकर यांनी केले आहे.