कोरोना काळातील स्थितीवर भाष्य करणारा 'पाटी फुटली ' लघुपट प्रदर्शित

 

नांदेड : सद्यस्थितीतील कोरोना काळातील परिस्थितीवर प्रभावी भाष्य करणारा 'पाटी फुटली', हा लघुपट मराठवाडा मुक्तीसंग्राम दिनाच्या औचित्याने  युट्यूबवर प्रदर्शित करण्यात आला.

               निर्माता व दिग्दर्शक राहुल वाघमारे असून विलास ढवळे यांचे मार्गदर्शन तर कथा व सहदिग्दर्शन प्रवीण ढवळे यांचे आहे. राहुल वाघमारे, गुरूनाथ नाकाडे, डॉ.विलास ढवळे, आरती वाघमारे यांच्या यात भूमिका आहेत. 

हृदयरोगाने आजारी असलेल्या ओम या शाळकरी विद्यार्थ्याची कथा यात आहे. कोरोना पार्श्वभूमीमुळे त्याला उपचार मिळू शकत नाही. पालकाची हतबलता आणि उपचाराच्या प्रयत्त्नात असतानाच त्याचा अंत होतो. हे कथासूत्र असणारा हा लघुपट नांदेड व औरंगाबाद येथे चित्रित करण्यात आला आहे. हा लघुपट https://youtu.be/uXs1g56nxxM

या लिंकवर पाहता येईल.

               शिक्षण व आरोग्य तसेच बदलत्या सामाजिक परिस्थितीवर पुढील लघुपट काढणार असल्याचे निर्माता राहुल वाघमारे यांनी सांगीतले.