नांदेड : येथील श्री गुरुगोविंद सिंघजी पत्रकारिता महाविद्यालयात महाराष्ट्र दिनाचा ६३ वा वर्धापन दिन उत्साहात साजरा करण्यात आला.
संत नामदेव महाराज शिक्षण प्रसारक संस्थेचे सचिव प्रा. डॉ. देवदत्त देशपांडे यांच्या हस्ते ध्वजारोहण करण्यात आले. प्राचार्य डॉ. विकास कदम कार्यक्रमाचे अध्यक्षस्थानी होते. महाराष्ट्र राज्य स्थापना दिवस त्याचबरोबर कामगार दिनाचे औचित्याने डॉ. देशपांडे यांनी आपले विचार मांडले. राष्ट्रपिता महात्मा गांधी आणि भारतीय राज्यघटनेचे शिल्पकार डॉ. बाबासाहेब आंबेडकर यांच्या प्रतिमांचे प्रारंभी पूजन करण्यात आले. राष्ट्रगीतानंतर सामूहिकरीत्या महाराष्ट्र गीत 'गर्जा महाराष्ट्र माझा' सादर करण्यात आले.
यावेळी जागृती सामाजिक प्रतिष्ठानचे सचिव आनंद भोरगे, माजी सैनिक टी. एस. गायकवाड, प्रा. यशवंत कदम, व्यवस्थापक विलास वाळकीकर, प्रा. संजय नरवाडे, प्रा. अमोल धुळे, प्रा. विपीन कदम, प्रा. शारदा कुलकर्णी, बालाजी कुलकर्णी उपस्थित होते.
No comments:
Post a Comment