किनवट : बहुजन समाज पार्टी किनवटच्या वतीने तहसिलदार व उपविभागीय अधिकारी यांच्या मार्फत नांदेड जिल्ह्यातील बोंढार हवेली येथील बौद्ध युवक अक्षय भालेराव खून प्रकरणी कसून चौकशी करून फास्टट्रॅक कोर्टात प्रकरण चालवून न्याय द्यावा , तसेच पिडीतास योग्यती आर्थिक मदत करावी, ह्या मागणीचे निवेदन शासनास दिले आहे.
निवेदनात असे नमूद केले की, सदर प्रकरण फास्ट ट्रक कोर्टात चालवावे, जातीयवादी विरोधी कायदा अंमलात आणावा, कुटूंबातील एकाला शासकीय नोकरीत घ्यावे, पन्नास लाख रुपये पीडित कुटूंबास देण्यात यावे, सरकारी वकील देण्यात यावे व आरोपीना फाशी द्यावे. हे निवेदन नांदेड झोन प्रभारी प्रा. डॉ. आनंद भालेराव यांच्या नेतृत्वात देण्यात आले. याप्रसंगी किनवट तालुका अध्यक्ष चंद्रकांत कांबळे, महिला आघाडीच्या सुनंदा पाटील, गंगासागर जिंदे, वैशाली नगारे, अरुणा गवळी उपस्थित होते.
No comments:
Post a Comment