किनवट - आदिलाबाद' रेल्वे मार्गावर सुविधांची खासदार हेमंत पाटील यांनी केली रेल्वेमंत्र्यांकडे मागणी

  

किनवट :  खासदार हेमंत पाटील यांनी भारत सरकारचे रेल्वेमंत्री पीयूष गोयल यांना पत्र लिहून नांदेड- मुदखेड - किनवट - आदिलाबाद रेल्वे मार्गावरील प्रवाशांच्या सुविधांची मागणी केली आहे.

           हिंगोली लोकसभा मतदारसंघाचे  खासदार हेमंत पाटील यांनी रेल्वेमंत्री पियुष गोयल यांना पाठविलेल्या पत्रात असे नमूद केले की,  नांदेड - मुदखेड - किनवट - आदिलाबाद हा 165 किमी लांबीचा ब्रॉडगेज रेल्वे मार्ग आहे.  या मार्गावर मुदखेड, भोकर, हदगाव, हिमायतनगर आणि किनवट हे नांदेड जिल्ह्यातील पाच तालुके आहेत.  हा मार्ग तेलंगणातील आदिलाबाद मार्गे मांजरीला जातो आणि पुढं चंद्रपूर आणि नागपूर रेल्वे मार्गास भेटतो.  नांदेड जिल्ह्यातील पर्यटकांना आकर्षित करणारा पैनगंगा नदी वरील पडझड सहस्त्रकुंड धबधबा, माहूर येथील श्री रेणुका माता,  दत्त शिखर, आदी देवस्थाने   किनवटपासून 50 कि.मी. अंतरावर आहेत.  मुंबई, पुणे व इतर ठिकाणाहून येणारे प्रवासी या ठिकाणी दर्शन व पर्यटनासाठी नियमित भेट देतात.     

          प्रवाश्यांच्या सोयीसाठी स्थानिक जनतेच्या हितासाठी आवश्यक असलेल्या गरजा पूर्ण करण्यासाठी रेल्वेमंत्री पियुष गोयल यांचे लक्ष वेधून पुढील मागण्या पत्राद्वारे केल्या आहेत: कोविड -19 पासून बंद असलेली आदिलाबाद ते नांदेड इंटरसिटी एक्सप्रेस पूर्वी प्रमाणेच जनहितार्थ चालविली जावी.  मुंबई  - हिंगोली आणि वाशिम लोकसभा मतदारसंघांसाठी नांदेडहून हिंगोली वाशिम अकोला मार्गे मुंबई किंवा अकोला ते वाशिम हिंगोली पूर्णा अशी मुंबईकरिता नवी रेल्वेगाडी सुरु करावी.  सन 2018 मध्ये रेल्वे विभागाने नांदेड - गोरखपूर ते नांदेड ते हिंगोली, अकोला मार्गे गोरखपूर या मार्गावर नवीन गाडय़ा सुरू करण्याचा प्रस्ताव दिला आहे.  हिंगोलीमध्ये मुबलक पाण्याची उपलब्धता आणि रेल्वेची जमीन उपलब्धता लक्षात घेता पीट लाइन व मोठे क्रीडांगण करावे.  पूर्णा रेल्वे स्थानकातील इंजिनची समस्या पुन्हा दूर करण्यासाठी पूर्णा रेल्वे स्थानकात बायपासचे सर्वेक्षण पूर्ण करण्यात आले असून ते पूर्ण करण्यासाठी 40 कोटी रुपये मंजूर करावे.  ट्रेन क्रमांक 17617/17618 मुंबई - नांदेड - मुंबई तपोवन एक्स्प्रेस आदिलाबाद पर्यंत वाढवावी.  ही गाडी रॅक बनून धर्मबादमध्ये उभी राहते.  गेल्या बर्‍याच वर्षांपासून स्थानिक लोक आणि प्रवाशांची ही मागणी आहे.

              पनवेल - नांदेड - पनवेल ही गाडी आदिलाबाद पर्यंत वाढवावी.  उच्च शिक्षणासाठी व गंभीर आजारांच्या उपचारांसाठी आदिलाबाद ते पूणे येथे जाण्यासाठी  नांदेड-पूणे ही गाडी य आ दिलाबाद पर्यंत वाढविण्यात यावी. ही गाडी  सकाळी 9.00 ते संध्याकाळी 5.00 या वेळेत रिकामी उभी राहते, ही वाढविल्यास  रेल्वेला आर्थिक फायदा होईल.  ट्रेन क्रमांक - 16593/16594 नांदेड - बंगळुरू - नांदेड हम्पी लिंक एक्सप्रेस अदिलाबादपर्यंत वाढविण्यात यावी.  आदिलाबाद - औरंगाबाद दरम्यान एक नवीन विशेष पॅसेंजर ट्रेन चालविली जावी, जी लोकांना सरकारी आणि न्यायालयीन कामांसाठी सोयीची ठरेल.  किनवट रेल्वे स्थानकात प्रवाशांच्या उत्पन्नाच्या आधारावर प्रवासी सुविधांचा अभाव आहे.  किनवट रेल्वे स्थानक श्रेणीसुधारित करून सुविधा वाढवाव्यात.  17609 - 17610 पटना - पूर्णा ही रेल्वे आठवडाभर पूर्णा स्थानकावरच उभी राहणारी पूर्णा ट्रेन हिंगोली - अकोला ते अमरावती पर्यंत आठवड्यातून चार दिवस वाढवावी.  मग अमरावतीत चार दिवस उभे असलेला  रॅक पुन्हा अमरावती ते अकोला, हिंगोली, लातूर, मुंबई किंवा नांदेड  ते तिरुपतीपर्यंत चालवावी.  एका रॅकमधून गाड्यांचा वापर केल्याने रेल्वे विभागाच्या कमाईत कोट्यवधी रुपयांची वाढ होईल.  नांदेड-जम्मूतावी हमसफर एक्स्प्रेसचा रॅक नांदेडमध्ये तीन दिवस मुक्कामी असते.  त्याचा वापर नांदेड अकोला मुंबई म्हणून करावा.  हमसफर एक्स्प्रेसमध्ये दोन स्लीपर कोच जोडले जावेत.  नांदेड जम्मूतावी हमसफर एक्स्प्रेस कटरा पर्यंत करावी.  कोल्हापूर धनबाद एक्स्प्रेस आठवड्यातून एक दिवस धावते आणि संपूर्ण महिन्यात एकूण चार वेळा धावते. ही दररोज केल्यास वाराणसी प्रयागराजमध्ये जैन समाजाकरिता बुधगया येथे कोट्यवधी बौद्धांना सुविधा मिळेल.  हैद्राबाद ते खंडवा मार्गे नाडेकोला मलकापूर मार्गे पॅसेंजर ट्रेन सुरू करावी.  उत्तराखंड धरणातील श्री हेमकुंड साहिब गुरुद्वाराशी संपर्क साधण्यासाठी हेमकुंड साहिब एक्स्प्रेस थेट सुरू करावी.  पहिल्यांदाच मराठवाड्याला हरिद्वार ऋषिकेश व चारधाम या रेल्वेने जोडले जावे.  मराठवाडा आणि विदर्भात हाती घेण्यात आलेल्या रेल्वे प्रकल्पांपैकी यवतमाळ-वर्धा मार्गासह अनेक प्रकल्पांचे काम संथगतीने सुरू असून लवकर ते पूर्ण करावे.