नांदेड (जिमाका) :- आदिवासी समाजातील गरजू कुटूंबाना आर्थिक सहाय्य करण्यासाठी आदिवासी विकास विभागाने खावटी अनुदान योजना पुन्हा नव्याने कार्यान्वित केली आहे. या योजनेसाठी पूर्वी अर्ज न भरलेल्या तसेच अटी व निकषात बसणाऱ्या पात्र आदिवासी समाजातील कुटुंबानी नवीन अर्ज भरावेत. नवीन अर्ज संबंधीत कार्यक्षेत्रातील मुख्याध्यापक शासकीय, अनुदानित आश्रमशाळा यांच्याकडे उपलब्ध होतील. लाभार्थ्यांनी अर्जासोबत आधारकार्ड झेरॉक्स प्रत, राष्ट्रीयकृत बँकेचे पासबुकचे झेरॉक्स किंवा पोस्टाचे पासबुकचे झेरॉक्स, उपविभागीय अधिकारी यांचे जातीचे प्रमाणपत्र झेरॉक्स प्रत इत्यादी कागदपत्रे जोडणे आवश्यक आहे, असे आवाहन एकात्मिक आदिवासी विकास प्रकल्पाचे प्रकल्प अधिकारी तथा सहायक जिल्हाधिकारी किर्तीकिरण एच.पुजार यांनी केले आहे.
No comments:
Post a Comment