...चक्क म्हशीला निवेदन : अवैध लेआऊट हटवा व पिसा कायदा लागू करा ; या मागण्यासाठी धरणे आंदोलन

 

बेला (जि.अदिलाबाद ) : बेला मंडल अंतर्गत येणाऱ्या भुरणपूर मध्ये अवैधरित्या टाकलेले लेआऊट त्वरीत हटवावे व संरक्षणात पिसा कायदा लागू करावा या मागणीसाठी तेलंगणातील आदिलाबाद जिल्ह्यातील बेला मंडल येथे आदिवासी सरपंच संघटनेच्या वतीने बेमुदत धरणे आंदोलन करण्यात येत आहे. आंदोलनाचा आज चौथा दिवस आहे. याची दखल न घेतल्याने आंदोलन कर्त्यांनी चक्क म्हशीलाच निवेदन दिले.

        तेलंगणातील आदिलाबाद जिल्ह्यातील बेला मंडल अंतर्गत भुराणपुर येथे काहीनी अवैधरित्या लेआऊट टाकले. हे बेकायदेशीर अतिक्रमण त्वरीत हटवावे व आमच्या संरक्षणाची कवच कुंडले असलेला 1 /70 पिसा कायदा लागू करावा, या प्रमुख मागण्यांसाठी आदिवासी सरपंच असोसिएशनच्या संयुक्त विद्यमाने धरणे आंदोलन करण्यात येत आहे. धरणे आंदोलनाचा गुरुवारी चौथा दिवस आहे. याची दखल संबंधितांनी न घेतल्याने आंदोलन कर्त्यांनी चक्क म्हशीला मागण्यांचे निवेदन दिले. या धरणे आंदोलनात   आदिवासी सरपंच आडे शंकर, कोरंगे जंगशॉ आणि सीताराम सहभागी आहेत .