*लातूर लोकसभेसाठी ड्युटी लागलेल्या कर्मचाऱ्यांसाठी 5 मे रोजी बस व्यवस्था* *88-लोहा विधानसभा क्षेत्रासाठी किनवट येथून सुविधा उपलब्ध*

नांदेड दि. 3 मे : भारत निवडणूक आयोगाच्या वतीने मतदान केंद्राध्‍यक्ष व मतदान ,अधिकारी कर्मचारी यांना निवडणूक कर्तव्‍यासाठी त्‍यांना नेमूण दिलेल्‍या  88-लोहा विधानसभा मतदार संघात जाण्‍यासाठी केलेल्‍या बसेसच्‍या सुविधेचा लाभ घेण्याचे आवाहन प्रशासनाने केले आहे.

भारत निवडणूक आयोगाने 16 मार्च, 2024 पासून लोकसभा सार्वत्रिक निवडणूक कार्यक्रम घोषीत केलेला आहे, 41-लातूर लोकसभा मतदारसंघातील मतदान दि. 7 मे रोजी पार पडणार आहे.सदरील निवडणुकीसाठी नियुक्‍त केलेल्‍या मतदान केंद्राध्‍यक्ष व मतदान अधिकारी,कर्मचारी यांना 88-लोहा विधानसभा मतदारसंघात घेऊन जाण्‍यासाठी प्रशासनाच्‍या वतीने वाहतूक व्‍यवस्‍था करण्‍यात आलेली आहे. त्‍या संदर्भातील खालील प्रमाणे सूचना करण्यात आली आहे.

   83-किनवट, 84-हदगांव, 85-भोकर, 86-नांदेड उत्‍तर, 87-नांदेड दक्षिण, 89-नायगांव खै, 90-देगलूर आणि 91-मुखेड या विधानसभा मतदारसंघातून 41-लातुर लोकसभा सार्वत्रिक निवडणूक 2024 कामासाठी नियुक्‍त अधिकारी/कर्मचारी यांना दिनांक 05.05.2024 रोजी प्रशिक्षणासाठी 88-लोहा विधानसभा मतदारसंघा अंतर्गत मतदान केंद्रावर जाण्‍यासाठी खालील प्रमाणे बसेसच्‍या विधानसभानिहाय थांबे निश्चित करण्‍यात आलेली आहे.

नियुक्‍त अधिकारी/कर्मचारी यांनी 41-लातूर लोकसभा मतदारसंघातील निवडणूक कर्तव्‍य पार पाडण्‍यासाठी विविध विधानसभा मतदान संघातून 88-लोहा विधानसभा मतदारसंघात जाण्‍यासाठी दिनांक 05.05.2024 रोजी सकाळी 06.00 वाजता खालील ठिकाणी वेळेवर उपस्थित रहावे. 

बस थांब्‍याचे ठिकाण

83- किनवट ,शासकिय औद्योगिक प्रशिक्षण संस्‍था( I.T.I), गोकूंदा, किनवट

84- हदगांव ,समाजकल्‍याण विभागाचे मागासवर्गीय मुलींचे शासकिय वसतीगृह, 

बुध्‍दभुमी वसाहत, तामसा रोड, हदगांव. 

85- आणिभोकर ,शासकिय मागासवर्गीय मुलांचे वसतीगृह, भोकर 

86 - नांदेड उत्‍तर, व 87 -नांदेड दक्षिण मुख्य‍ प्रशासकिय इमारत, तहसिल कार्यालय, नांदेड

89 - नायगांव खै ,शासकिय औद्योगिक प्रशिक्षण संस्‍था( I.T.I), नायगांव खै.

90-देगलूर ,तहसिल कार्यालय, देगलूर 

91-मुखेड ,मुख्‍य प्रशासकिय इमारत, तहसिल कार्यालय, मुखेड. 

 तसेच दिनांक 07.05.2024 रोजी रात्री 10.00 वाजेपर्यंत मतदान प्रक्रिया पुर्ण झाल्‍यानंतर सबंधित मतदारसंघाच्‍या मतदान साहित्‍य स्विकृती केंद्रावरुन मतदान केद्राध्‍यक्ष व मतदान अधिकारी यांना परत येण्‍यासाठी सुध्‍दा बसेसची सुविध उपलब्‍ध करुन देण्‍यात आली आहे. यासाठी सबंधित सहायक निवडणूक निर्णय अधिकारी यांचेशी संपर्क करावा असे आवाहन जिल्‍हा प्रशासनाच्‍या वतीने करण्‍यात येत आहे.