शांतीलाल मुथ्था फाउंडेशन यांच्या सौजन्याने आयोजित केलेली मारेगाव ( वरचे ) परिक्षेत्रस्तरीय तीन दिवसीय मूल्यवर्धन कार्यशाळा केंद्रीय प्राथमिक शाळा कमठाला येथे उत्साहात संपन्न झाली.
मारेगाव ( वरचे ) परिक्षेत्राचे प्रभारी शिक्षण विस्तार अधिकारी शिवाजी दि.खुडे यांच्या संनियंत्रनाखाली ही कार्यशाळा घेण्यात आली. या कार्यशाळेत साधनव्यक्ती म्हणून चंद्रशेखर सर्पे व राज्य पुरस्कार प्राप्त शिक्षिका शालिनी सेलुकर यांनी उत्कृष्टरित्या प्रशिक्षण देवून मूल्यवर्धन म्हणजे काय ? व ते विद्यार्थ्यांमध्ये योग्य वेळी व योग्य वयात कसे रूजवावे याचे योग्य मार्गदर्शन करून शिक्षकांना तीन दिवस पूर्ण वेळ कार्यशाळेत मूल्यांचे शिक्षण दिले.
गुरूवार ते शनिवार ( दि. २६ ते .२८ ) या कालावधीत आयोजित कार्यशाळेत विशेष म्हणजे शि.वि.अ. शिवाजी खुडे , केंद्रप्रमुख विजय मडावी व केंद्रप्रमुख प्रकाश होळकर यांची पूर्णवेळ उपस्थिती होती.
समारोपीय कार्यक्रमात अनमोल गायकवाड, सुरेश पाटील, एस.एस.कनकावार, विष्णू मुनेश्वर, संगिता भवरे,सत्यभामा भगत व ललिता येलमेवार यांनी आपल्या प्रतिक्रीया व्यक्त केल्या.
केंद्रप्रमुख विजय मडावी व शिवाजी खुडे यांनी प्रोत्साहन पर भाषण करून शिक्षकांना त्यांच्या स्तुत्य कार्याबद्दल आपूलकी व शाबासकी देवून गौरवीले.
शाहीन गुलाबबे यांनी सुत्रसंचालन केले.कमठाला संकुलाचे केंद्रिय मुख्याध्यापक अंकुश राऊत यांनी कोणताही शासकीय निधी नसतांना सर्व शिक्षकांची भोजन व्यवस्था केली. शरद कुरूंदकर यांनी तांत्रिक सहाय्य केले.
खूप छान सर👌👌👌 धन्यवाद
ReplyDeleteखरच खूप छान
Deleteआपले मनस्वी आभार, मॅडम
Deleteधन्यवाद ! सर
Delete