किनवट : माहूर तालुक्यातील गोंडवाडी येथील मोहन मेश्राम यांची राज्य शासनाच्या सांस्कृतिक कार्य संचालनालयाच्याच्या आदिवासी गिरिजन क्षेत्रासाठीच्या पुरस्कारासाठी निवड जाहीर झाल्या बद्दल आमदार भीमराव केराम यांनी शनिवार (ता. १८ ) रोजी आपल्या निवासस्थानी त्यांचा गौरव केला.
राज्य सरकारच्या वतीने सांस्कृतिक क्षेत्रात कार्य करणाऱ्या कलावंताना राज्यस्तरीय पुरस्काराने गौरविण्यात येते.(सन २०१९-२०) यावर्षीच्या आदिवासी गिरिजन क्षेत्रासाठीच्या पुरस्कारासाठी किनवट- माहूर विधानसभा मतदार संघातील आदिवासी बहूल अत्यंत दुर्गम भाग असलेल्या माहूर तालुक्यातील मौजे गोंडवाडी येथील मोहन मेश्राम यांच्या नावाची घोषणा करण्यात आली आहे. त्या पार्श्वभुमिवर शनिवार (ता. १८ ) आमदार भीमरावजी केराम यांनी आपल्या राजगृह निवासस्थानी त्यांचा शाल, श्रीफळ व पुष्पहार देवून सन्मान केला. तसेच त्यांच्या कार्याची प्रशंसा केली. यावेळी प्रा. डॉ. सुनिल व्यवहारे यांच्यासह युवानेते ऍड. प्रतीक केराम, स्वीय सहाय्यक प्रकाश कुडमते, अनिल तिरमनवार, उमाकांत क-हाळे यांची उपस्थिती होती.
No comments:
Post a Comment